॥ श्री शिव स्तुति ॥प्रभुमीशमनीशमशेष गुणं गुणहीनमहीशगलाभरणम्। रणनिर्जित दुर्जनदैत्यपुरं प्रणमामि शिवं शिवकल्पतरुम्। गिरिराज सुतान्वित वामतनुंतनुनिन्दितराजित कोटिविधम्। विधिविष्णुशिरोधृतपादयुगं प्रणमामि शिवं शिवकल्पतरुम्। शशिलाञ्छित रञ्जित सन्मुकुटं कटिलम्बितसुन्दरकृत्तिपटम्। सुरशैवलिनी कृतपूतजटं प्रणमामि शिवं शिवकल्पतरुम्। नयनत्रयभूषित चारु मुखं मुख पद्मविराजित कोटि विधुम्। विधु खण्ड विमण्डित भाल तटं प्रणमामि शिवं शिवकल्पतरुम्। बृषराजनिकेतनमादिगुरुं गरलाशनमार्ति विषाणधरम्। प्रमथाधिपसेवकरञ्जनकं प्रणमामि शिवं शिवकल्पतरुम्। मकरध्वजमत्तमतंगहरं करिचर्मसनागविबोधकरम्। वरमार्गणशूलविषाणधरं प्रणमामि शिवं शिवकल्पतरुम्। जगदुद्भवपालननाशकरं त्रिदिवेशशिरोमणि धृष्टपदम्। प्रियमानव साधुजनैकगतिं प्रणमामि शिवं शिवकल्पतरुम्। मुनियोगिमनोऽम्बुजषट्पदकंस्फुरदद्भुत कीकसमाल्यधरम्। भजतोऽखिलदु:खसमूहहरं प्रणमामि शिवं शिवकल्पतरुम्। ॥ शिव स्तुति सम्पूर्णम् ॥
ॐ शिव ॐ शिव परात्पराशिव ॐ काराशिव तव शरणम्।
हे शिवशंकर भवानी शंकर उमा महेश्वर तव शरणम् ।
हे वृषभध्वज हे धर्मध्वज साम्ब सदाशिव तव शरणम्।
हे जगदीश्वर पिनाकपाणि त्रिनयन शंकर तव शरणम्।
हे शशिशेखर शंभु शिवाप्रिय शिव गंगाधर तव शरणम्।
त्रिशूलपाणि सोम शिवा प्रिय शिव शिपिविष्टः तव शरणम्।
हे मृत्युञ्जय पशुपति शंकर भुजग भूषण तव शरणम्।
हे अविनाशी कैलाशवासी पार्वती पति तव शरणम्॥
